حطي نفسك في الموقف ده (للبنات)

اعاوزه اخد رايك يا بنات لو انت اتحطيتي في المواقف دي هتعملي ايه وتتصرفي ازاي
ا اولا :لو حبتي واحد وفضلتي معاك 10 شهور وكان شخص كويس جدا ومقتنعه بيه جدا ولما اتقدم ليكي حلصلت حاجات غير متوقعه والشخص ده طلع (متزوج ) وعنده اطفال ايه رايك فيه او في الموقف عاوزه اعرف هتتصرفي ازاي مع العلم انتي كمان بتحبيه جدا وهو كمان

ثانيا : اذا كنتي اتعرفتي علي شخص وبيقولك انه بيحبك وهو شخص كويس ولاقيتي الشخص ده اصغر منك سنا هتعملي ايه هتكملي ولا ترفضي ولا ايه
مع العلم (ان عقل البنت اكبر من الولد في التفكير ب 5 سنين ) يعني لو هو اصغر ب 3 سنين يبقي في فرق 8 سنين هعملي ايه

اولا :لو حبتي واحد وفضلتي معاك 10 شهور وكان شخص كويس جدا ومقتنعه بيه جدا ولما اتقدم ليكي حلصلت حاجات غير متوقعه والشخص ده طلع (متزوج ) وعنده اطفال ايه رايك فيه او في الموقف عاوزه اعرف هتتصرفي ازاي مع العلم انتي كمان بتحبيه جدا وهو كمان

بصي يا ناني عمر الحب ما كان اساسه الكذب وهو لو حب الانسانه دي بجد كان لازم يقولها كل حاجه وانا لو في الموقف ده عمري ما هبني سعادتي على تعاسه اسره كامله

ثانيا : اذا كنتي اتعرفتي علي شخص وبيقولك انه بيحبك وهو شخص كويس ولاقيتي الشخص ده اصغر منك سنا هتعملي ايه هتكملي ولا ترفضي ولا ايه
مع العلم (ان عقل البنت اكبر من الولد في التفكير ب 5 سنين ) يعني لو هو اصغر ب 3 سنين يبقي في فرق 8 سنين هعملي ايه

لو الفرق معقول يعني سنتين مثلا اوك هوافق بس لو اكتر من كده مستحيل بغض النظر عن الفرق في التفكير اللي انتي ذكرتيه لان المجتمع الليب احنا فيه مجتمع شرقي عمره ما هيكون في صف البنت او حتى لو ده حصل هتقابل نقض كتير في حياتها سواء في وجودها او في غيابها احنا مش عايشين لوحدنا في الدنيا احنا عايشين وسط ناس ولازم نفكر قبل اي حاجه نعملها

تسلمي يا شموسه ياقمر

وعاوزه اقولك انا لما اتحطيت في الموقف الاولاني رفضت بشده لاني حسيت اني اتخدعت ونسيت كل كلمه حلوه اتقالت لمجرد اني عرفت ده
لاني مينفعش اتحط في موقف الزوجه ولا اقبله علي نفسي واكيد الي مش هقبله علي نفسي عمري ماقبله علي حد

تسلمي مره تانيه وبجد انت بنت لذيذ جدا وانشاء الله نكون اصحاب

وانا بالنسبة لاولا : اياكى توافقى عليه ابدا لانك كده بتحكمى على اسرة بحالها بالضياع
وثانيا : الصغر مش بالسن الصغر بالعقل وكمان لو هتحبيه حبيه زى اخوكى اولو اصغر منك بسنتين او سنة حبيه عادى

والله يا ميدو ده الي انا عملته ورفضت بشده قبل ما اهلي يرفضو لاني مش ممكن اهد اسره علشان اكون انا سعيده وانا اصلا لا اصلح اني اكون زوجه تانيه انا انانيه في حبي جدااااااااااااااااااااااااااااا
وميرسي ليك يا ميدو علي ردك وهقري موضوعك وهقولك رايي تسلم يا قمر

انا امبارح رديت عليكي في الموضوع ده وبعد ما كتبت وخلصت وبرسل الرد لقيت النت فصل حطي نفسك في الموقف ده (للبنات) Icon_sad

اولا :لو حبتي واحد وفضلتي معاك 10 شهور وكان شخص كويس جدا ومقتنعه بيه جدا ولما اتقدم ليكي حلصلت حاجات غير متوقعه والشخص ده طلع (متزوج ) وعنده اطفال ايه رايك فيه او في الموقف عاوزه اعرف هتتصرفي ازاي مع العلم انتي كمان بتحبيه جدا وهو كمان
انا متفقه معاكي يا شمس في رايك الاولاني لان عمر الحب ما يتبني على كدب والي يتبني على اساس غلط بيتهد وده المعروف وكمان عمري ما افكر اني اهد اسره كامله عشان اكون انا سعيده
ثانيا : اذا كنتي اتعرفتي علي شخص وبيقولك انه بيحبك وهو شخص كويس ولاقيتي الشخص ده اصغر منك سنا هتعملي ايه هتكملي ولا ترفضي ولا ايه
مع العلم (ان عقل البنت اكبر من الولد في التفكير ب 5 سنين ) يعني لو هو اصغر ب 3 سنين يبقي في فرق 8 سنين هعملي ايه
ثانيا انا موافقه شمس في جزء من رأيها والجزء التاني لا الجزء الي موافقاها عليه ان لو كان فرق السن بسيط يبقى مفيش مانع بغض النظر عن حكايه التفكير والحسبه الي عملتيها
والجزء الي مختلفه فيه مع شمس ان لو احنا التفتنا لاراء الناس في كل حاجه بنعملها يبقى مش هانعرف نعمل حاجه لان الناس بقت تنتقض اي حاجه وكل حاجه حتى لو كانت الحاجه دي صح وكمان في حاجه حكاايه السن دي مبقتش مشكله في الزمن ده زي زما ن بالعكس بقت حاجه عاديه ان البنت ترتبط بواحد اكبر منها في السن او اصغر منها
تسلم ايديك ناني منوره المنتدى ويارب دايما موجوده معانا وتفيدينا بمواضيعك ومساهماتك
بس بعد اذنك يا قمر الموضوع هايتنقل في قسم البنات
وميرسي على مرورك يا شمس انتي وميدوا

اوك يا منى لو تلاحظي انك قولتي في كلامك

اقتباس :: [بقت حاجه عاديه ان البنت ترتبط بواحد اكبر منها في السن او اصغر منها

اوك بس انا من رأيي ان العادي دلوؤتي ارتباط البنت باللي اكبر منها سنا وليس العكس
انا على فكره نزلت مقال قبل كده في جريده صوت بني سويف عن الموضوع ده
هو مش حرام طبعا
بس نادر
وانا بحييكي على رأيك يا منـــــــــى

تسلم اديكى نانى ومنى وشمس وميدو على ردكم الجميل ده واحب اقول رائى لنانى بس طبعا اولا فى الموضوع الاول ده مرفوض تمما ومستحيل بنت بتفكر صح هتوافق عليه ثانيا وده الاهم فى الموضوع التانى سيدنا محمد عليه افضل الصلاه والسلام كان 3 من زوجاته اكبر منه سنا وكان منهم زوجه ليه اد سنه مرتين ياعنى لو بصنلها من نحيه الدين فا ده عادى لو من ناحيه الناس فا دى مش هقدر ارد عليكى فيا لانى اصلا مبمشيش ورا كلام الناس ايه ياعنى لما اتجوز واحده اكبر منى الناس هتقول ايه وايه ياعنى لما تتزوجى واحد اصغر منك برده هيقولو ايه الحقو بصو ده اصغر منها وماشى ايده فى اديها مش هو ده كلام الناس طب وبعدين ضروكى بحاجه افادوكى بحاجه ولا حاجه خالص كلام الناس لا بيقدم ولا ياخر واللى يمشى ورا كلام الناس يغرق انا عن نفسى مبعملش حساب الناس فى كلامهم لان ده العادى فى كل الدول المتقدمه معندهمش كلام غلط ليه وعادى اى حاجه عادى بعيد طبعا عن الدين لانهم بيفكرو معندهمش نميمه معندهمش ناس غيرانه وفاضيه عشان تشوف حاجه تفضل ترغى فيها هو ده عيب الشعب المصرى الحقو ده فولانه اتجوزت واحد اصغر منها يانهار ابيض طب ازاى ده اصغر منها ليه هما الرجاله خلصو والتانيه تقولك ايه وهى عماله تمصمص شفيفها بقا شفتى ياختى بلا وكسه علينا دى راحت اتجوزت واحد اصعر منها يجى ب10 سنين شفتى اهو هيعيشها شببها ويرجعها زى الورد والتانيه تيجى تقولك ياسلام ياختى ده اصغر منها بتلاته بس لا باربعه لا بخمسه وال ايه شعال مش عارف ايه وعلى قلبه د كده بقولك ايه تعالى ارطفى معايا الملوخيه لاحسن لبو احمد زمانه جى هههههههههههههههههههههههه واخرتها استفادو حاجه ولا انتى استفدى اى حاجه ولا ضروكى بحاجه ههههههههههههههههههههه يارب يكون كلامى عجبكم كلكم بس فعلا هو ده كلام الناس لا بيقدم ولا يا اخر على رائى الفنان جورج واخوه سوف هههههههههههههههه

هههههههههههههههههه حلوه قاعده الستات دي يا تيمو تسلم ايدك والله ضحكتني علي الصبح كده
وانت يامني تسلمي وكمان شموسه الاموره وميرسي يا ميدو ليك يا قمر
بس عاوزه اقلم راي الناس مش مهم بس لازم ناخد بيه في بعض الحاجات لاننا مش عايشين لوحدنا في الدنيا في الي يصح والي ميصحش
وبالنسبه يا تيمو لزوجات سيدنا محمد عليه الصلاه والسلام
سيدنا محمد ميتعوضش ومش هنلاقي زيه تاني وكان صادق وحكيم وكلنا عارفين صفاته انا مش الي هقولكم عليها
بس مش كل الناس زي سيدنا محمد (ص)
علشان الواحد تفكر تتجوز واحد اصغر منها وبصراحه انا مش مقتنعه بموضوع اني اتجوز حد اصغر مني لان البنات بجد مخها اكبر من الولاد لو ارتبطت بحد اصغر يببقي هنزل من عقلي كتتتتتتير
لا لو بقي كان حاجه نادره ويقدر هو الي يوصل لعقلي وتفكيري
بجد ميرسي ليكم كلكم علي ردودكم واراكم

ميرسى ليكى نانى والله انتى طلبتى راينا واحنا قلناه وده هيبقا حسب تفكيرك انتى بقا ميرسى ليكى وتسلم اديكى

تسلم ايدك يا تيمو انا مش قصدي احنا هنا كل واحد بيقول رايه ومش معني اني اقول رايي اني برفض اراكم بالعكس اكيد انا باخد رايكم لاني محتاجه اني اسمع اراء تانيه وبجد كلكم اراكم حلو ولازم نتفق في حاجات ونختلف في حاجات تانيه هو ده حال الدنيا وميرسي ليك يا تيموعلي ردودك عليا انا فعلا هنا علشان استفيد منكم كلكم واكيد رايكم يهمني والا مكنتش طلبت اعرف رايكم اصلا ومكنتش كتبت الموضو ولا ايه يا تيمو يا احلي تيمو تسلم يا قمر

تسلمى يا عيون تيمو اكيد طبعا واحنا كلنا تحت امرك وهنديلك رائينا ونفيدك تسلمن ايدك بس سؤال بقا لو جيت انا اتقدملك وانا اصغر منك هتوفقى ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟ ههههههههههههههههههههههههههههههههههههههههههههههههههههههه طبعا هتوفقى هو انتى تقدرى ترقضى يا ؟؟؟؟؟؟؟؟؟ ولا ايه

ميرسي ليك يا مصري علي ردك مهما كان ردك حلو او وحش بس انا عاوزه اعرف شويه حاجات انا مش بقري حاجات من عند بتاع الفول زي ما انت بتقول انا بس هفهمك شويه حاجات سيدنا محمد (ص) كان بياخد براي زوجاته في حاجات مهمه جدا رغم اننا ناقصات عقل ودين زي ما السنه بتقول ومش وان السيدات الي ناقصات عقل ودين هما سبب وجودي ووجوداك في الحياه وان ربنا كرم المراءه في كل شي وانت تعرف عني احاديث كثير تدل علي اهميه المراء وبرضو هقولك تاني ان المراءه عقلها اكبر من عقل الرجل ب3 سنوات واكبر دليل هتلاقي اي واحد بيتزوج امراءه اصغر منه سننا وعلي الرغم من ذلك تكون هذه المراءه ست البيت وكمان عامله وام لاطفالها والمدبره للمنزل وكل الشئون البيتيه يقول الرجل فقط بتدبير النفقات الماليه المنزليه واكيد ليه دور في تربيه الاولاد بجزاء صغييييييييييير وده طبعا معروف مش انا بققل من دوره وبالرغم من صغر عمر الست الا انها تقوم بهذه الادوار الكثير ولا احد ينكر ذلك (اما ان الرجال قومون علي النساء فهما قوامين في الجسد اي قوامون في الحرب والاعمال الشاقه ) مش قوامون في كل حاجه

وانا مش معقده زي ما انت فاكر ممكن يكون عندي نقص خبره وانا عارفه ده كويس ولا انكره وكلنا ناقصين خبره بما فيهم انت كمان مفيش حد فينا خبير في الدنيا
وبرضو هقولك ميرسي ليك تاني مع انك رديت عليا بطريقه مش لاطيفه

بس ممكن طلب تقولي بس رديت علي سويت بطريقه وحشه امته لاني مش عافه فعلا وميرسي ليك تاني وارجو الرد

زائر

مهما يكون ردك او انى برد بطريقه غير لطيفه زى ما بتقولى بس بردو انا مش من النوع المندفع الى بيكتب كلام مش عارف هو بيوديه فين و لو تعرفى ان الراجل بيتزوج المرأه اصغر منو مش بعقلانيه ده طمع من الرجل لان الرجاله طمعين شويع لان المراه معدل نموها جسديا اكثر من الرجل فمجرد وصول المراءه لسن الأربعين بتكون و صلت لسن اليأس مع ان الرجل بيكون فى سن ال45 لاكثر بيكون و صل لسن العجز فهمه طبعا
و من الناحيه الفكريه فى ناس كتير اصغر و احسن انا بناقش بنات اكبر منى و متجوزين و بحس انى بكلم ناس اصغر منى مع ان بكلم بنات تانيه اصغر منى و بحس انى بكلم انسانه كامله اقدر اتكلم معاها بعقلانيه و عشان تعرفى حاجه عنى انا مقولتش انك معقده بس انا قولت ان خبرتك قليله و انا مش الشباب بتاع النت و الكمبيوتر و انى معرفش حاجه عن الدنيا انا بلا حرج بشتغل شغلانه طين بشتغل فى محل فراخ و طلعان عينى و بقالى كتير و شوفت الدنيا غير انى حلال المشاكل لكل اصحابى بنات و شباب يعنى بقيت دارس الدنيا بوجهه كبيره لانى خلاص معشتش مرحله مرهقتى لانى بكبر عقلى زياده عن اللزوم و لانى انسان عملى و ده مش من فراغ ده من ثقافه و توسيع افق
اما بردك على سويت خشى على فوزير و انت هتعرفى يعنى صحبتك و زميله فى المنتدى بعته فوزير نوع من الترفيه تقوللها قديمه و متستحقش الرد ازاى يعنى ده نوع من قله الزوق فعلا و الى فى المنتدى كلهم عرفين انى عمرى محبيت ازعل حد و انى بتعامل مع البنات زى الشباب مش شاب نحنوح يعنى
و بخصوص توسيع افقك فيريت تقرى كتب و تركزى على كتب التاريخ لان (تلك الأيام نداولها بينكم ) و هتعرفى حل المشاكل و اقرى فى كل شىء و ركزى كمان على كتب الحيوانات لان كل حيوان ليه صفه بيستعملها بطريقه معينه و حولى لما تكتبى شىء تشوفى ايه ممكن الرد الى يكون موجود حطى الأيجابى قدامك و السلبى و راكى عشان تبقى عارفه لو جالك ايجابى هيفرحك و ان جالك سلبى تكونى متوقعاه

ولو انت زعلانه انا مش هعتزر طبعا لانى ماشى بقانون المنتدى اى حد يخشو بيبقى اخويا او اختى و مفيش بين الأخوات اسف
محمود المصرى

ميرسي ليك تاني يامصري
ومفيش اسف بين الاخوات انت كلكم هنا اخواتي
بس انت طريقتك حاده شويه في الحوار المفروض يبقي في مساحه لرد الاخر وعدم تقليل من شان الاخرين
بس انا احب اوضح شي بسيط
انا مقصدتش اني اجرح في سويت خالص انا كل الي قولته ان الفوازير قديمه
وككمان انا قولت كفايه مجهودك في الموضوع وانا علشان في المنتدي عارفه كويس مجهود اي حد في انه يكتب موضوع ون ده صعب اد ايه ومش سهل انه يجيب موضوع مميز بس انا قولت كده من باب انها تجيب الافضل ليس اكثر
لاكن انا مش بهجمها بالعكش دي بنت لزيزه جدا وانا بحب اقراء لها موضيع ومن الناس المميزين فعلا وبرد عليها كتير ومواضعها بتعجبني جدا بس انا متعودتش منها علي كده انا متعوده منها علي افضل شي وقولت ده من باب انها تجيب الافضل لرفع مستوي المنتدي واعتقد ده يهمني ويهمك ويهم كل الاعضاء في المنتدي ان منتدنا يكون الافضل ولازم نكون مميزين في كل شي كلامنا وموضعنا وفوازيرنا وكل شي صح ولا لا
بس انا اتعودت علي حاجه زي ما انت حد في الردود انا اتعودت علي الصراحه ومش بعرف اجامل يعني لو حاجه اقول حلو ولو وحشه اقول مش بحب اجامل وانا قولت رايي بكل صراحه واعتقد من حقي ومعتقدش اني جرحتها انت اقري ردي مره كمان وانت تعرف انت بس ركزت نظرك علي كلمه واحد بس ومش اكتر عموما مش مشكله احنا برضو اخوات وايا كان رداك انا هحترمه
ومش هقلل من قدرك زي ما انت عملت لاني متعودتش علي كده
وميرسي ليك تاني يامصري
وسوري لسويت لو كان ردي زعلها فعلا
بس انا كمان بردك كويس علي موضعها لانها فعلا فعلا بنت مميزا جدا علي الاقل ليا انا
وربنا يوفقك في حياتك وشغلك ومش تقول علي شغلك طين بالعكس
الناس بتوع الفراخ دول عزاز علي قلبي قوي اصل بحب الفراخ جداااااااا
انت قولي بس المحل فين وانا اجي اشتري من عندكم
ميرسي تاني ليك ويارب اكون وضحت

اوكي يا مصري انا معاك انت صح وانا بعترف اني ممكن تكون طريقتي كانت رخمه ووعد انها مش هتتكرر وانشاء الله هتكون طريقتي موضوعيه شويه بس هقول رايي برضو بصراحه وانشاء الله هقراء موضوعاتك وارد عليها بس الي يغلط لازم تلفط نظره مش تجرح وانا والله والله مش اقصد اني ازعلها انا بقراء لها موضيع وبردعليها كويس جدا من وجهه نظري علي الاقل وهي لطيفه فعلا وسويت اوي كمان اسم علي مسمي فعلا
عموما حصل خير واحنا برضو اخوات
بس سوال خاص ليك انت خريج تجاره ولا ايه

زائر

لا انا لسه 19 سنه و فى 2 فنى تجارى قسم ضرائب بناخد الضرائب الجديده و لازم نفهم فيها كويس عشان مطلوبين عشان قانون الضرائب الجديد

ربنا يوفقك عموما انا خريجه تجاره ودرست الضرائب الجديده ولو محتاج حاجه انا موجوده انا كنت شاطره في المحاسبات وبتقدير كمان
ربنا يوفقك
باااااااااااااااااااااااااي

زائر

انا بقى عباره عن أله حاسبه متنقله و مفترى محاسبه ضرابيه و محسبه شركات و مكتب تجارى جايب جيد مفترى يعنى هو انا كده مفترى ارقام و متشكر يا عم الحج

نسلم ايديكي على الموضوع الحلو وانا عاوزة اقول حاجة

الحب الحقيقي بجد انك تحافظ على الشخص العمر كلو وتستحملو بحلو ومرو مش عكس محنا منشوف فزمنا ده

الحب مش بيعرف لا كبير ولا صغير الحب جميل بس يلي يستهلو ويقدرو

تسلمو جميعآ لمروركم

وكل عام وانتم بخير

مع كل الود

» للبنات فقط , اعشاب خاصة بامراض للبنات الخاصه
» ملابس كول للبنات
» نوع من الاعشاب مهم جدا للبنات
» ابكي على نفسك.
» كيف تحمي نفسك

الفراق اصعب شىء

اكتر حاجة بتوجع
بس للاسف الفراق انتشر كتيييييييييييييييييييير

لازم ننسى الحبيب لو ذكراة هياْلمنا

يخلى دمعة تنزل من عنينا
ونتاكد ان دة نصيبنا وان ربنا بيعمل …

[ قراءة كاملة ]

حبيبى

لو تعرف يا حبيى بحبك اد اية

دة حبك يا حبيبى بالعالم واللى فية I love you

بالشمس والقمر Question

بالنجمة والسهر Question

دة حلم انا عايشة فية

…

[ قراءة كاملة ]

اولا احب اقول لتامر انه بجد وحشنا اوي
وبجد وجوده مهم للمنتدى
انت ليه سبت المنتدى يا تامر
احنا اه بنحاول اننا نحافظ عليه بس مش نافع
ارجع بقا ومهما كنت في المكان اللي انت فيه فأنا دايما بقول ربنا يرجعك بالسلامه يا …

[ قراءة كاملة ]

بمــــــا ان المنتدى هنا زي بيتي

وكلكم هنــــــــا زي اخواتــــــــــــــــــــــــــــــــــــــي

حبيـــــــــــــــت اعــــــــــرفكــــــــــم ان الفشل ده حاجه حلوه
هههههههههههههههههههههه

…

[ قراءة كاملة ]

كل سنة وانتى طيبة ياشموسة بمناسبة عيد ميلادك

انا شمس وللاسف نسيت كلمه المرو للمنتدى

ومش عارفه ارجعها لان انا بعمل ان انا نسيت كلمه المرور

وبتيجي رساله على الميل بس للاسف الرسائل مش بتفتح وبيهنج الجهاز

فياريت تغيري البسورد وتبعتهولي هنا في نفس الموضوع وانا …

[ قراءة كاملة ]

السلام عليكم ورحمه الله وبركاته حطي نفسك في الموقف ده (للبنات) Heart

انا جبتلكم قصه حلوة اوى يا ريت تعجبكم

هي : غداً زفافك إلى أخرى . .
فلماذا أصررت على رؤيتي اليوم ؟

هو : كي أودعك قبل الرحيل .

هي : ماأرحم الرحيل بلا وداع .
هو : …

[ قراءة كاملة ]

1- الأخــــلاق : كن خلوقاً تنل ذكراً جميلاً.
يقول الرسول عليه الصلاة والسلام: (أكمل المؤمنين إيماناً أحسنهم خلقاً ، الموطؤون أكتافاً ، الذين يألفون ويؤلفون ، ولا خير فيمن لا يألف ولا يؤلف).
ويقول الشاعر :وإنما الأمم …

[ قراءة كاملة ]

[size=24]
[center][i][size=12]كل واحد منا يعرف ايه هو الحب ..
الحب ليس له حد مسموح وهو احلام العاشق والمعشوق .الحب هو الجمال . الحب هو جنون وفنون في نفس الوقت ,,,,
السؤال:
1-لماذا اذا احب احد منا يخفي هذا الحب هل هو الخوف ام الخجل ام لماذا؟
2-انت تحب في عقلك …

[ قراءة كاملة ]