شعر جامد جدا

يا شعبي ياحبيبي ياروحي يابيبي يا حطك في جيبي يابن الحلال
يا شعبي يا شاطر يا جابر خواطر يا ساكن مقابر وصابر وعال
ياواكل سموم يابايع هدومك وحامل همومك وشايل جبال
يا شعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده بأتكال
واحب اللي ينصب واحب اللي يكذب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ما قال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايل محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان ماتش كوره وفلم ومقال
واحبك تأيد تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعملي روحك مفرد رجال
وساعتها حاجيبك لا يمكن اسيبك وراح تبقى عبره وتصبح مثال
هبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزء سيادتك واخلي كرامتك في حاله هزال
وتلبس قضيه وتصبح رزيه وباقي حياتك تعيش في انعزال
هاتقبل هاحبك هاترفض هالبك هتطلع هاتنزل هاجبلك جمال

الموضوع ده منقول للامانه مستنين ردودكم على الموضوع ان شالله يعجبكم

هههههههههههههههههههههههههههههههههههههههههههههههههههههه منى
جميل موووووووووووووووووووووووووووووووووووووووووت لا بتعرفى تكتبى اهو بس وزالنبى مفيش واحد زيه ليا يا شيح يا شحبح ههههههههههههههههههههههههه

هههههههههههههههههههههههههههههه اي خدمه بس ربنا يستر بقى

حرام عليكي تسمي الكلام دة شعر لان دة مواصفات زوج المستقبل ان شاء الله
انتي مش هاتلاقي المواصفات دي جاهزة ممكن تعمليها تفصيل

موضوعك جميل جدا يا منى جميل بجد بجد بجد مفيش اجمل من كدة

ميرسي نور على مرورك وان شاء الله نشوف منك مواضيع اجمل

ميرســـــــــــــــــــــــــي صاص ده من زوقك لكن انت لو قريته كويس هاتعرف معناه كويس على العموم شكرا لمرورك على التوبيك ويارب نشوف منك مواضيع احسن من اللي مش عجباك

بجد يا منى حلو اوى انتى بجد شاعرة اخر حاجة يا لهووووووووووووووى يانى

هههههههههههههههههههههههههههههههههههههههههههههههههه ال شاعره جامده ال وهو انت مش خدت بالك ان مكتوب تحته منقول ال يلهوي ياني ال

نايس و لو انى مش ليا فى الشعر اساسا

السلام عليكم ورحمة الله وبركاته :تحياتى ليكى بجد يا قمر فعلا شعر جامد

الله الله

ايه الشعر الخطير دا

فكرتني بقصائد عديدة بحبها منها على ذكر المثال لا الحصر طائر السنونو و ابيع نفسي و الحلزونه ياما الحلزونه

وعليكم السلام ورحمه الله وبركاته سلمى منوره المنتدى يا قمر ويارب يعجبك

ههههههههههههههههههههههه ماشي ليدر ال الحلزونه ياما الحلزونه ال وبعدين تعالى هنا فين مواضيعك

انا والله ما بعرف ازاي احط شعر او حجات في المنتدي

الغلط على الحاج صاحب المنتدي معاه المفتاح
مش عاوز يديني نسخه

المفتاح هتلاقيه عند تحت السجاده بتاعه كتابه موضوع جديد هو سايبهولك قبل ما يمشي

يخربيت عقلكم هتحبس انا كده وعم ليدر ابقى تعالى وانا اديك المفتاح مش هبخل عليك بس تعالى انت وملكش دعوه منى ابقى خلى بالك من العيال وامهم عشان الحج الكبير عايزنى هههههههههههههههههههههههههههههههههههههههههههههههههههههههه

ههههههههههههههههههههههههههههههههههه يلا يا شبح تاخد الشر وتيجي هههههههههههههههههههههه بعد الشر عليك من الحبس يا جميل لما انت تتحبس احنا نتبهدل بقى

موضوع حلو واخر جمال وصاحبته أحلى وأخر دلال
من الموضوع تحس انها ام وصاحبة عيال وشايله هم ومسئوليه ماتشلهاش جبال وحاسه بالشعب فئات وعمال كأنها سيدة مجتمع او راجل اعمال لكنها بنت مصريه مستنيا أبن الحلال حاسه بينا وبكل الاحوال وربنا يكرمها ويحققلها أى محال وارجع واقولك موضوع حلو واخر جمال

فعلا هم يبكي وهم يضحك بس هانعمل ايه ادينا صابرين وربنا معانا ويوينا ميرسي جينرال على مرورك ويارب دايما معانا