شباب للبيع

ان مشكلات الشباب تزداد يوميا والمستقبل مجهول والبطاله في مقدمه المشهد.
ان مشاكل الشباب كثيره في مقدمتها:انعدام الامن وعدم استقرار الوضع وهذا ما يجعل كثيرا من الشباب متشائما بسبب كثره البطاله وعدم وجود فرص العمل للخريجين وهذا دفع كثير منهم للسفر والبحث عن عمل داخل وخارج البلاد واكبر دليل على ذلك الكتور (احمد زويل) اين ظهرت شهرته؟ لقد ظهرت شهرته في امريكا حيث انهم يقدرون الفرد احسن تقدير ويوفرون له كل الادوات التي يستخدمها للتطوير في مجاله وهكذا وبأيدينا نتاجر في شبابنا وبعد ظهور شهرته في امريكا ونأتي بعد ذلك ونقول ان (احمد زويل) عالم مصري الاصل لماذا نهدم شبابنا بأدينا؟ الا نعرف انهم هم مفتاح تقدم مجتمعنا &فشبابنا مستقبل امتنا ومن سينهض بالمجتمع غير الشباب؟؟؟؟؟!!!فالشباب الان يبحث عن فرص عمل في القطاع الخاص وحتى بعد خروجهم من بيوتهم لا يعرفون هل سيعودون اليها ام لا؟؟؟
يواجه الشباب في مجتمعنا نوعان من المشاكل .الاولى يتصل بالمجتمع وما يعانيه ككل بوصف الشباب جزء من هذا المجتمع فأضطراب البناء الاجتماعي وتفشي ظواهر الفساد وانعدام الامن والازمات الاقتصاديه الخانقه تلقي بظلال كثيفه على جميع افراد المجتمع ومن جهه اخرى للشباب احتياجات وامال وتطلعات ترتبط بالعمر والقدرات الفعاله والاحلام الطموحه وهذه جميعها تسد عليهم ابواب تحقيق الامال وتعطل الطاقه الكبيره وتعيدها الي صورتها الاوليه حيث لا مجال لتحقيق الاحلام والامال تلوح في المستقبل المنظور فلا يجد الشباب امامهم سوى احد الخيارين (حلم الهجره) والتخلص الفردي من مشكلات يظنون ان الصور البراقه للمجتمعات الاخرى ستخلصهم منها او(الانكفاء على الذات ) في شكل انطواء او تبلد في الاحاسيس والمشاعر وارتداء عنيف ينعكس افعالا انتقاميه وقهريه تضيف مزيدا من المشكلات يخلقونها ويتأثرون بها وترتد عليهم في النهايه. عندما تنزل الاحداث بالشباب فأنه لا يجد احدا يقف بجانبه ويشد من ازره عندما يطلب حقه ويحتاج الى من يؤيده لنيل هذا الحق ولو كانت غايه الشباب من الحياه ان يأكل ويشرب ويكتسي ولو كان لا يجد في نفسه تطلعا الى عظائم الامور لكفاه اقل شيء يسد حاجته وبعض الشباب يتوهمون ان الصبر معناه الخضوع والاستسلام للواقع الذليل والرضى بالهوان والضعف والسكوت عن معالجه الامور والتثاقل عن اداء الواجب . ان عزيمه الشباب هي التي تدفع صاحبها لتخطي العقبات وتحمل التبعات من اجل نشر السلام والرخاء والعلم النافع بين الناس وللشباب طاقه هائله يجب على المجتمع استغلالها الاستغلال الامثل لكي يرتقي به ككل ويستفاد منه ويفيده والحلول ليست جاهزه وانما يمكن ان يوجه هذه الطاقه الكثيره توجيها يخدم المجتمع ويكشف عن امكانيات الشباب انفسهم ونشعرهم بأنهم اعضاء فعالين ومحترمين وليسوا مجرد عبء او اداه على عوائلهم وان المشاكل التي يعاني منها قطاع الشباب هذه الايام كثيره مما ادت الى تحملهم عناء الحياه بشكل عصيب ولا يقوم بدوره في الحياه بالشكل المطلوب ولعل ابرز هذه المشاكل قله فرص العمل وكثره البطاله وهذا يشمل ايضا الكثير من المتخرجين واصحاب الشهادات وقله العمل كفيله بأن تجعل الشباب بين طريقين اما ان يرضى بالعيش في مستوى الفقراء وقله ذات اليد ويتحمل الصعوبات وربما الاهانات المترتبه على ذلك وهذا النوع قليل جدا بل يكاد الا يكون موجود في هذا المجتمع واما ان يسلك طرقا غير مشروعه لتأمين حياته ومعيشته وكلا الامرين خطر على الشباب لكن الثاني اشد خطوره من الاول وسيؤثر سلبيا على المجتمع بأسره واضراره لا تخفي على احد . كما تؤدي البطاله الى عدم قدره اغلب الشباب على الزواج وفي هذا العصر بالذات (عصر الانتفتاح) على العالم فتحت الابواب على مصراعيها والمغريات تلاحق الشباب في البيت والمدرسه والشارع وكل مكان فليس امامه غير خيارين اولهما (حبس النفس وكبتها الذي يؤدي الى امراض نفسيه فكريه وجسديه وقد يصل الى حاله حاله الاكتئاب والتي تعني شل حركته وان ياجأ الى الطرق والغير مشروعه وهذا المسلك خطير جدا كما ذكرت سابقا لانه يؤدي الى هدم ما بني في المجتمع .......وهكذا تزداد مشاكل الشباب يوما بعد الاخر وتقف البطاله في واجهه الحدث يوميا في حياه الشباب مما يضيف للشباب عبئا ثقيلا على عائلته وتسنمر عمليه البحث اليومي عن فرصه عمل او تعيين دون جدوى. ويتطلع الشباب الى الحكومه الجديده بنظره عتاب وسؤال الى متى ننتظر وعودكم؟!!!! وفي النهايه نسأل انفسنا لماذا ارتفع معدل الجريمه ؟!!!!!
يتبع.....
مع تحياتي......

يا خراشى يا منى والله وكبرنا وبقينا نعرف نكتب مواضيع يا منيلة بالامانة يا منى موضوع عشرة على عشرة ليكى مستقبل والله يا منمونتى ويارب يديكى على قد نيتك

هههههههههههههههههههههههههه شبح تسلم بس انت اللي جبته لنفسك مديره ايه بس وانا عارفه اعمل حاجه وانا مشرفه لما تخليني مديره انت اللي جبته لنفسك الموقع هايخرب ولو على تامر سبهولي انا بقى

يامنى مش عارفة اقولك اية ولا اية دة موضوع جميل جدا جدا وليكى مستقبل باهر ان شاء الله ومبروك عليكى الادارة وتانى مرة بقولك مبروووووووووووووووووووووووك

هههههههههههههههههههه ميرسي محمد فعلا ربنا يستر على شبابنا ويارب مايجبروا على انهم يسلكوا اي طريق من الطريقين دول
لان بالرغم من وجود طريق اقل في الخطر من الطريق التاني بس الاتنين برضوا بيوجهوا خطوره في سهم مباشر نحو الشباب

بما انى مسجل مخصوص علشانك
فأكيد هبقى متخصص فى نقد مواضيعك
من رأيى الكلام اللى انتى قولتيه ده منطبق على خريجين طلبه الكليات الادبيه و ما يسبقها من مستويات تعليميه
لكن غير كده فمطلوبين و بيشتغلو عادى

موضوع جميل بيعرض مشكلة مهمة جدا بنعيشها منذ فترة ليست بالقليل ونرجو فقط تجهيز الحلول السريعة لهذة المشكلة من وجهة نظر الكاتبة

موضوع حلو وملموس فعلان

بدليل بسيط ان الشباب هنا في الغربة لو الحكومات تتيح ليهم نفس الامكانيات هيهدوا الدنيا

ليدر انت مش حددت يديهم امكانيات هنا في مصر ولا في الخارج ولو تقصد هنا فمكنش زويل راح لبلد اجنبي عشان تبان مهاراته وامكانياته بعد ان مصر لم تعطه الاهتمام المطلوب والامكانيات اللي بتقول عليها وفي الاخر زويل مصري يلا يارب نلاقي للمشكله دي حل



ماحدش منكم شباب ليه حلول للموضوع ده ياريت اللي عنده حل او راي للموضوع يكتبه


شكرا لمرورك ليدر مع تحياتي

تبقى غلطان سيف لو شوفت ان ده بينطبق على خريجين الكليات الادبيه لان بناء على البحث اللي عملته عن مشاكل الشباب فكان فيها ناس كتير علمي مش خريجين كليات ادبيه فقط والدليل انك لو عملت بحث او انك اخدت اراء مختلفه من الشباب هاتعرف انها مش مقتصره على كليات ادبيه فقط عموما شكرا لمرورك على التوبيك


تحياتي

ميرسي جاستن على مرورك بس اولا مش كل من كتب موضوع او مقال بقى كاتب دي حاجه ثاينا انا مش هاكتب حلول او رايي في المشاكل قبل ماجمع رايي بعض الشباب واكيد انا منهم طبعا وياريت نشوف حلول من مخيلتك ممكن تتحقق او تتمنى انها تتحقق من قبل البلد

السلام عليكم الف شكر ليكى حبيبتى بجد انتى موهوبة فعلا ربنا يحميكى ودايما فى تقدم ان شاء الله وربنا يسترها ويحمى شبابنا ويوفقهم

ا. منى
بجد الموضوع ميكتبوش حد غير انه يكون عنده موهبه فى التعبير عن رايه باسلوب راقى ومحترم
انا واحد من الناس كان عندى تجربه البطاله قبل ماشتغل
بس احب اقولك ان فى ناس كتير بتلاقى شغل لكن مش فى حدود امكانياتهم
ومن رايى ان البطاله قليله فى مصر لكن مفيش حد بيرضى بمعظم الشغل بسبب المرتب الضعيف
غير اصلا ان الشغل لا يساوى المؤهل يعنى واحد بكارليوس هندسه يتعرض عليه شغل عامل نظافه
فى قانون معتقدش ان فى حد فى العالم غيرنا بيستخدمه وهو الاولويه لابناء العاملين
وبجد انتى مستقبلك فى مجال الصحافه لانك متمكنه من اللغه وبتوظفيها صح

هههههههههههههههه ميرسى يا محمد على زقك يارب تكون عضو معنانا هنا وتنورنا على طول يارب تسلم يا محمد

ميرسي محمد تسلم ايدك على ردك بس ولا صحافه ولا حاجه ميرسي لمرورك على التوبيك

كوووووووول كووووووووووول كووووووووووول احلى من طبق فول بالزيت الحار و متروش
على العموم موضوع جميل بجد بجد و ربنا يفرجها و حسنى يلاقى شنطه كلها نووى يبيعو لامريكا و يروش الشعب

ههههههههههههههههههههههههههه فول ايه وزيت ايه يا حج هاتودينا السجن تسلم ايدك محمود باشا مستنين مواضيعك الجامده طبعا عارف قصدي ايه

ايه يا منى الكلام الكبيييييييييير دا على العموم انا شايف ان اى واحد هو اللى بيعمل مستقبله ودا ف ايده بعد ربنا سبحانه وتعالى بس لو انت طالب واجتهدت وعملت اللى عليك ودخلت كليه حلوه اكيد هتطلع تلاقى شغل باذن الله بس احنا بنستهتر وكل واحد بيعيس حياته ف اعدادى وثانوى وييجى يخش كليه كل اللى فيها انك بتطلع تاخد شهاده متشتغلش بيها لان زيك كتير انما لو اجتهدت اكيد ربنا هيكون معااااااااااك *بس على فكره يا منى انتى بتكتبى حلو اوى واكيد هنستنى كلامك دا لان كلامك حلو اوى*

ههههههههههههههههههههه كده يا رامي ماشي يا جميل تسلم ايدك وميرسي لمرورك فعلا كل واحد بيعمل مستقبله بس برضوا في ناس بتجتهد في كلياتها وتعمل اللي عليها وتلاقيها على القهوه تفتكر ليه؟؟؟؟؟

موضوع لذيذ يا منى
قلتلك إنك تنفعى تكونى صحفيه
الموضوع مهم و أسلوبك فى الكتابه جميل

عارفه المشكله فى إيه؟؟ إن احنا عالم تالت و الشعب مش مصدق ده
الناس كلها عايزه يدخل الجامعه و يبقى معاهم شهادات عاليه و كلهم يشتغلوا طب ازااااى
شوفتوا فى الصين الشعب هناك بيشتغل فى كل حاجه و أى حاجه
انما هنا الشعب كسلااان

عموما توبيك لذيذ يا منى بالتوفيق فى المواضيع الجايه

هو كل من كتب موضوع بقى صحفي فعلا عندك حق الغلط عندنا بس زي ما الغلط عندنا فهو عندهم برضوا زي مابيقولوا غلط مشترك تسلم امير لمرورك يارب دايما معانا في المنتدى ونشوف مواضيعك وردودك

موضوع تمام يامنى وهو شامل حاجات كتير بجد
واتمنى تعملى مواضيع زى كده كتير

ميرسي يا فانتا تسلم يا جميل
وان شاء الله اعمل مواضيع زي كده تاني
ويارب معانا دايما

اية الاحساس العالى دة بجد انتى شرحة الموضوع بطريقة علمية لدرجة انى حاسس انك جربتى

تسلم ايديكي على المقال الجميل وتسلمي على كلامك التحفة ربنا يقويكي كما وكماتن

ميرسي لمرور الجميع

مع كل الود

تسلم يا ماندو ربنا يخليك يا قمر لا مجربتش يا ماريو بس الواحد لازم يحس باللي الشباب فيه ولا احنا مبنفكرش غير في نفسينا وبس

ربنا يخليكي يا سويت تسلمي يارب وانتي كمان مواضيعك تحفه ودايما في تفوق

أحلى كلام تسمعه من الاهلاويه وأحلى سلام للجنرال روميو وربنا يستر ومايبقاش جنرال محبوس والله يا جماعه اللى بيجتهد بيلاقى زيى كده انا والجنرال إجتهدنا والحمدلله لقينا

لا يا جينرال الناس الفشله بتشتغل والمجتهدين بيقعدوا عشان دول عندهم واسطه ودول غلابه مجرد مجتهدين وبس
تسلم ايدك جينرال وميرسي لمرورك

على فكره يا منى المجتهد بجد فى كليته وبيجيب تقدير محترم اعتقد انه بيبقى مطلوب فى مجاله بالاسم مش تقوليلى واحد يجي أخر السنه ويذاكر كلمتين وينجح ويجيب مقبول يعنى مش فاهم حاجه اساسا فى مجاله ونلاقيه قاعد على القهوه ونزعل عليه البنى ادم ده هو اللى عمل كده فى نفسه مش الحكومه ولا الوسايط ع العلم برضو ان الوسايط دلوقتى بقت حاجه مستفذه لكن يبقى فى الاخر الاجتهاد هو عنوان تحدى اى فساد زى الوسايط وغيرها

ميرسي محمد وتسلم ايدك منى موضوع جميل جدا

ميرسي توته وميرسي محمد على مروركم تسلم اديكم نورتم التوبيك

ميرسي ليكو على الموضوع الحلو وميرسي لمروركم

بنتظار المزيد منكم

مع كل الود

ميرسي سويت على مرورك وان شاء الله كل الجديد من منتدى الاشباح ومن الاخر

منى أنا أشكر الله إنه قدر لي أن أقرأ هذا الموضوع الرئع اللي بجد أبهرني وزادني يقين إنه ما زالت الأقلام قادرة على أن تحرك المشاعر وتنقل الفكرة لتصل إلى الهدف سابقا كان اللسان هو سيف العربي الأول بينما الآن القلم بعد قراءتي لمقالتك أصبح قاصف القوات الاول إن صح التعبير..
عموما أنا أهنئك ع مقالتك وأشكر الله أن وفقني لقراءتها وأسأل الله أن يكون ف ميزان حسناتك..

10 متر قماش يا بنت ايه يا غنيه دانا بدور على حته 3 متر اشقلط نفسى فيها ربنا يستر عليكى محدش يخبط فى السياسه غيرى مشوفتيش موضيعى انت حظك و حش اتشالت لما سبت المنتدى اخر مره تودى السجن يلا قولى يا رب
و ان كاتن حبيبك من الزهره روح الأرض و اعرف شعبها تلاقى الكرسى عفن من البدله الى ركنت عليها و سوزى جمبها

[b] غنيه ايه بس ياعم والله دي ماشيه بدعي الولدين وكمان الواحد شاكك فيهم شكلهم كده مبيدعوش من قلبهم ياله مش مشكله اهي ماشيه
اجري يابني ادم جري الوحوش غير نصيبك لم تحوش حتي الواحد نصيبه من الدنيا مش عارف ياخده ياله عديها ماهو كله بيعدي
وبرضو هناخد ايه غير مترين في متر وعشر متر قماش

هههههههههههههههههههههههههههههههههه ربنا يستر عليكي وعلينا من السياسه والي مخبياها لينا
بس والله الواحد من الي بيشوفه مش عارفين نعمل ايه والكلام مبيفدش بحاجه بس اهو بيطلع الي جوه الواحد بدل مل ينفجر
تسلمي يا قمر على مرورك وتسلم يا مصري وانت كمان يا اساس منورين المنتدى جميعا