عواقب الحب

انا رأى ان العلاقة لو بقى ليها عواقب يبقى هى ماكانتش علاقة حب ... لأن لو هى حب كانت هتنتهى النهاية الصح اللى هى ارتباط رسمى طبعا

الا اذا الطرفين سابوا بعض على حب لظروف خارجة عن اراداتهم ... و دة بيبقى قليل ...

لكن معظم العلاقات اللى بنشوفها ... بتنتهى بلاغبة كل طرف فى نسيان الطرف التانى ... و دى يبقى مش اسمها حب ... عشان الحب حاجة اعلو و اسمى من علاقة فيها كدب و خيانة و كدة
و دى علاقة منحبش نفتكرها فى يوم من الايام عشان هى مش علاقة حب

-----

دا رأى .. .. بلاش نقول الحب و عواقبه .. عشان لو كان حب مكنش هيبقى ليه عواقب ...

-----

انا عارف ان فيه ناس هتقول انها كانت بتحب بجد و بتحب قوى و بعدين اتجرحت قوى .. و انا من الناس دى على فكرة
بس احب اقولهم .. ما دام اتجرحنا قوى كدة ... يبقى اللى جرحنا مايستاهلش نفتكره .. او نقول فى يوم دة كان حبيبى.. و منعتبرهاش علاقة حب ... نعتبرها تجربة

مستنى رأيكم

تمام كدة يا اوزى اللى يجرحنا يبقى مش يستاهل نفتكره خاااااااااااااااالص

ولا نقول لسة بنحبه لانه مش يستاهل بس مش معنى كدة ان مفيش

حب او مفيش حد يستاهل بالعكس وميرسى لموضوعك الجميل

تسلم ايدك يا اوزى

اوزي بجد حاول تبص للموضوع من زاوية تانية ليه نقول ان الحبيب هو اللي بيجرحنا ليه ما تقولش ان الظروف هي اللي بتحكم ليه ما تقولش اننا احنا اللي بنجرح نفسنا ليه دايما بنرمي السبب علي الحبيب دا لو احنا بنحبه
بجد يا اوزي الدنيا اجمل من كدة بس انت مصر تبصلها من زاوية واحدة ربنا يوفقك في الاول والاخر

فعلا عمر عندك حق بص للدنيا من كل اتجاهاتها مش من اتجاه واحد بس بمعنى اصح بص للنص المليان من الكوبايه وبصراحه انا مش مع كلامك لان اللي بيحب حد اوي مش بيجيب اللوم على اللي حبه ابدا وفي علاقات حب كتير اوي مكملتش بس مش معنى ده ان الحب ده كان مبني على كدب او خيانه بالعكس ظروف الحياه حاليا بقت ضد اي علاقه حب حقيقيه وفتح مجال الحب اللي بيتحك عليه بالفلوس اذا كان معاك فلوس فأتأكد ان الحب ده هايكمل لكن غير كده يتقال انا ادي لبنتي واحد فقير وماتعرفش تعيشها دلوقتي وفي الزمن ده الحب الحقيقي بقى قليل فياريت لو حد جاله الحب ده يتمسك بيه لان حب اليومين دول هو حب المال فقط لا غير


مع تحياتي منى

تسلم ايدك يا صحبى موضوع جميل فعلان ويارب ديمن فى تفوق وعوزين موضيع جميلة كدة ديمن ........اخوك تيجر

ايه اللي احنا مش فهمناه من كلامك انا قريته تاني بس برضوا لقيت نفس ردي هو هو اللي حضر في ذهني